Ipar Hegoa Fundazioa

Formakuntza

 

Ipar Hegoa Fundazioan, klase ikuspegitik eta herri ikuspegitik azterketa eta gogoeta sustatzeko lan egiten dugu. Zentzu horretan bitartekoak eskaintzea eta jasotzea dugu heburu, betiere jendarte eraldaketa sustatu eta gauzatzeko asmoz.

EGITEN DUGUNA

LAB sindikatuaren barne mailako behar formatiboak asetzen ditugu. Langileen jabetzerako formazioa beharrezkoa dela iruditzen zaigu. Horregatik, material ezberdinen bidez - idatzizkoak, ikusentzunezkoak…- langileen egoera hobetzeko eta beste jendarte eredu baten alde borrokatzeko tresna formatibo ezberdinak ekoizten ditugu.

Jendarte eraldaketa bideratzeko hegemonia soziala beharrezkoa dela uste dugu. Horregatik, gehiengo sozial berriak artikulatzeko beharrezkoak diren prozesu sozialen azterketak eta gogoetak sortu eta zabaltzen ditugu klase ikuspegitik.

Zentzu honetan, langile subjektuaren ikuspegi berritu eta zabala osatzea dugu helburu. Horretarako beharrezkoak diren gogoetak, azterketak eta estrategiak bideratzeko lan egiten dugu.

Langilegoak gaur egun eraldaketa subjektu gisa aritu dadin dituen erronkak identifikatu/aztertu eta eragile aktibo bihurtzeko indartze/sendotze estrategien gaineko gogoetak bultzatzen ditugu. 

Mundu mailan orokorrean eta Euskal Herrian zehazki, ematen ari diren aldaketa politiko eta ekonomikoek eraldaketa soziala pentsatzeko eta garatzeko tresna politikoen egokitzapena behar dutela jakinik, tresneria zein gramatika politiko berriaren sormenean lan egiten dugu. 

Kalitatea eskaintzen dugu. Ekoizten ditugun materialak azterketa politiko eta sozial rigurosoek (zorrotzak-zehatzak-zientifikoak) proposatzen duten metodologien bidez lantzen ditugu. Aztergai ditugun eremuetan dabiltzan aditu eta arituen elkarlanaren bidez osatzen ditugu hain zuzen ere.

 

GURE BALOREAK 

Klase ikuspegia. Esplotazioa gainditu eraldaketa sozialaren bidez.

Euskal Herria osatzen duen errealitate soziopolitikoan eragiteko eta berau eraldatzeko garatzen dugu gure jarduna.

Genero ikuspegia. Tranbertsalitatea. Genero harremanak parekideak izan daitezen garatzen dugu gure jarduna, gure eguneroko praktikan afektuak eta subjektibidadeek duten garrantzia azpimarratuz.

 
  • 2019-04-17
    Urratsa, elkarrerantzukizunera

    Soldata arrakalari aurre egiteko lanen banaketa justu eta elkarrerantzunkide baterantz bidea egiteko urratsa proposatzen digu Elixabete Etxeberria LABeko Idazkaritza Feministako arduradunak Deskargatu PDFa

  • 2018-11-16
    Harrera herrirantz, urratsa

    Harrera Herri izateko egindako lanketa eta aurrera begirako proposamena luzatzen digu Mikel Alvarez 'Betelu'k  6. urratsean Deskargatu PDFa

  • 2018-06-27
    Turismoan ere, urratsa

    Analisi kritiko batekin, praktika turistikoa birpentsatze beharra planteatzen digu Rodrigo Fernández Mirandak azken alean. Deskargatu PDFa

  • 2018-06-01
    Urrats feminista

    3. urratsa webgunean dezue, Burujabetza Feministari buruzkoa. Deskargatu PDFa

  • 2018-05-21
    Alternatibak, Euskal Herri burujaberako bidea

    Euskal Herriak zein euskal herritarrok bizi ditugun gatazka sozial, ekonomiko zein politiko desberdinen giltza da burujabetza. 5. Talaian burujabetza honen eraikuntza jorratu dugu. Joan atalera

Hemen gaude

IPAR HEGOA FUNDAZIOA
Rekalde Zumarkalea, 62 -behea P.K. 48010 BILBO
94 470 69 00 info@iparhegoa.eus


twitter youtube mastodon


 

 

Hizkuntza-Idioma