Uhinak bekak, pentsamendu kritikoa saretzeko sariak

 

Bultzada txiki hauekin pentsamendu kritikoa balioan jarri nahi genuke,

zabaldu eta bistaratu nahi genuke,

errealitatearekin elkarrizketan jarri nahi genuke.

 

Horretarako saritu, saretu eta argitaratzeko aukera da eskainiko duguna.

 


uhinak bekaIratzar eta Ipar Hegoa Fundazioek Uhinak bekak sortu ditugu Euskal Herriko pentsamendu kritikoa sustatu asmoz.

 

Burujabetza politikoa, ekonomia, feminismoa, sindikalgintza, euskara, kulturgintza, gure historia, iragana eta, jakina, gure etorkizuna; horra hor gaitegi zabal bezain anitza. Horretaz guztiaz aritu eta sakonduko duten hausnarketa kritikoak lagundu nahi ditugu eta bereziki aditzera eman, plazaratu.

 

Uhinak beken xedea, zehazki, aipatu gaien inguruan artikulu luze edo liburuxkak sustatzea da, esan bezala, argitaratzeko helburuarekin eta eztabaida edo ekarpen soziala eragin asmoz. Hau ez da soilik akademian ikertzen ari direnei zuzendutako deialdia, baina egia da bere helburu nagusietako bat ere badela unibertsitateko hormen artean egiten den lan interesgarri horren guztiaren plazaratzea, jendarteratzea.

 

 

 

Euskal herriko zazpi herrialdeetan lan eta bizi diren emakume eta gizonak aurkeztu daitezke deialdira, baita arrazoi politiko, ekonomiko edota sozialengatik atzerrian dauden euskal herritarrak ere. Adituak eta arituak gonbidatu nahi ditugu beka deialdi honetara, akademian ikertzen edota herrigintzan lanean ari direnak. Izan ere, hori ere bada gure asmo nagusietako bat: akademiaren eta herrigintzaren, eta eraldaketa politiko-sozialaren, arteko zubiak eraikitzea, alde batetik eta bestetik datozen uhinak harremantzea.

 

Proiektuaren aurkezpena zein amaierako lana euskaraz aurkeztu beharko dira. Era berean, dokumentu honetako eranskinean ageri den gaitegia erreferentzia orokor gisa baliatu daiteke sustatu nahi diren gai zehatzez jabetzeko. Edonola, jakina, bestelako gai edo arloetako proiektuak ere aurkez daitezke, beti ere kontuan hartuz pentsamendu kritikoa sustatzea dela Uhinak beken azken xedea.

 

  • 2019-04-17
    Urratsa, elkarrerantzukizunera

    Soldata arrakalari aurre egiteko lanen banaketa justu eta elkarrerantzunkide baterantz bidea egiteko urratsa proposatzen digu Elixabete Etxeberria LABeko Idazkaritza Feministako arduradunak Deskargatu PDFa

  • 2018-11-16
    Harrera herrirantz, urratsa

    Harrera Herri izateko egindako lanketa eta aurrera begirako proposamena luzatzen digu Mikel Alvarez 'Betelu'k  6. urratsean Deskargatu PDFa

  • 2018-06-27
    Turismoan ere, urratsa

    Analisi kritiko batekin, praktika turistikoa birpentsatze beharra planteatzen digu Rodrigo Fernández Mirandak azken alean. Deskargatu PDFa

  • 2018-06-01
    Urrats feminista

    3. urratsa webgunean dezue, Burujabetza Feministari buruzkoa. Deskargatu PDFa

  • 2018-05-21
    Alternatibak, Euskal Herri burujaberako bidea

    Euskal Herriak zein euskal herritarrok bizi ditugun gatazka sozial, ekonomiko zein politiko desberdinen giltza da burujabetza. 5. Talaian burujabetza honen eraikuntza jorratu dugu. Joan atalera

Hemen gaude

IPAR HEGOA FUNDAZIOA
Rekalde Zumarkalea, 62 -behea P.K. 48010 BILBO
94 470 69 00 info@iparhegoa.eus


twitter youtube mastodon


 

 

Hizkuntza-Idioma