Ipar Hegoa Fundazioa 1996. urtean sortu zen Euskal Herriko langileen prestakuntza politiko eta sindikala bultzatzeko erakunde gisa.
Zer egiten dugu?
- Klase ikuspegitik eta herri ikuspegitik azterketa eta gogoeta sustatzeko lan egiten dugu.
- LAB sindikatuaren barne mailako behar formatiboak asetzen ditugu, langileen jabekuntzarako tresna formatibo ezberdinak ekoiztuz.
- Langile subjektuaren ikuspegi berritu eta zabala osatzea dugu helburu.
- Langileriak gaur egun eraldaketa subjektu gisa aritu dadin dituen erronkak identifikatu/aztertu eta eragile aktibo bihurtzeko indartze/sendotze estrategien gaineko gogoetak bultzatzen ditugu.
- Mundu mailan orokorrean eta Euskal Herrian zehazki, ematen ari diren aldaketa politiko eta ekonomikoak aztertzen ditugu, eraldaketa soziala pentsatzeko eta garatzeko tresna politikoak sortzeko asmoz.
- Gehiengo sozial berriak artikulatzeko beharrezkoak diren prozesu sozialen azterketak eta gogoetak sortu eta zabaltzen ditugu.
Gure baloreak:
- Klase ikuspegia. Esplotazio oro gainditu eraldaketa sozialaren bidez.
- Euskal Herria osatzen duen errealitate soziopolitikoan eragiteko eta berau eraldatzeko garatzen dugu gure jarduna.
- Ikuspegi feminista. Genero harremanak parekideak izan daitezen garatzen dugu gure jarduna, gure eguneroko praktikan afektuak eta subjektibidadeek duten garrantzia azpimarratuz.
