Borroka sindikalak Europan eta Latinoamerikan (2012)

Argitaratzen dugun testua Ipar Hegoa Fundazioak eta LAB sindikatuak antolatutako bi jardunalditan oinarrituta dago. 2011-2012 ikasturtean antolatu genituen bi jardunaldien bidez eta orain aurkezten ditugun testu hauen bitartez, alde batetik, gaur egun Europa pairatzen ari den krisi kapitalista eta bere ondorioak aztertu nahi dugu, Grezia, Portugal eta Italiako kasu zehatzak hurbilduz, eta bestalde, Latinoamerikan gaurkotasun osoa duten eta lantzen ari diren alternatibak ekarri nahi izan ditugu.